Transfer bazarında fəallığını artıran “Turan Tovuz” ilk olaraq yerli oyunçularla müqavilə bağlayır.

Apasport.az saytının məlumatına görə, Premyer Liqanın debütantı heyətinə bir neçə əcnəbi futbolçu da cəlb etmək niyyətindədir.

Yeni baş məşqçi Ayxan Abbasovun maraq dairəsində olan ilk əcnəbi də məlumdur. Çalışdırıcı mövsüm başa çatar-çatmaz “Şamaxı”dan ayrılan Natan Oduvanın xidmətində maraqlıdır. “Tottenhem”in yetirməsi ilə danışıqlar davam edir.

Ancaq İngiltərənin aşağı yaş qrupu üzrə yığmalarının sabiq üzvünü gətirmək heç də asan görünmür. Çünki 26 yaşlı hücumçu Azərbaycana qayıtmaq variantına müsbət yanaşmır. Tovuzlular isə hazırda azad agent olan Nigeriya əsilli oyunçunu razı salmağa çalışır.

Qeyd edək ki, Natan Oduva bu ilin ilk 6 ayını “Şamaxı”da keçirib və Premyer Liqada 11 matçda iştirak edib.
 

• Elmar Baxşıyev: “Bu komanda nə Elmarın, nə də burdakı rəhbərliyindir”
• Türkiyə millisinin baş məşqçisi Bakıda təlim keçəcək
• Almaniya Superkubokunun qalibi bəlli olub
• Ağasəlim Mircavadov: “De Byazi necə vaxt istəyirdisə, yenisi də eynisini edəcək”
• Cüdo üzrə böyüklər arasında Abşeron-Xızı regionu çempionatı keçirilib