"Turan Tovuz"un əsas komandasında üç yeni təyinat baş tutub.

Apasport.az xəbər verir ki, qazaxıstanlı Aleksandr Kornilov həkim, italiyalı Marko Kaser fiziki hazırlıq üzrə məşqçi, onun həmyerlisi Vinçenzo Çestaro isə atletik hazırlıq üzrə məşqçi vəzifəsinə təyin olunub.

Aleksandr Kornilov vətənində "Spartak Semey", "Altay", "Kayrat" və "Yelimay" komandalarında çalışıb. 

Fiziki hazırlıq üzrə məşqçi Marko Kaser İtaliyada "Salernitana", "Belluno", "Novara", Maltada "Valetta" və "Birkirkara", Tunisdə "Sfaksien", Qətərdə "Əl-Qarafa", İranda "Nassaci", "Traktor" və “Fulad” komandalarında işləyib. 

Son olaraq Maltanın "Hamrun" klubunda bu vəzifəni icra edən Vinçenzo Çestaro daha əvvəllər Maltada "Valetta", Çexiyada "Viktoriya", İtaliyada "Çavese", "Focca", "Avellino" və "Noçerina" kimi klublarda çalışıb. 

Hər üç mütəxəssislə 1 illik müqavilə imzalanıb.

• "Tottenhem" Musanın komanda yoldaşını transfer etdi
• Avropa çempionatının pley-off mərhələsində Azərbaycan millisinin rəqibi bəlli olub
• Azərbaycan şahmatçısı maksimum nəticə ilə vahid lider olub
• Domeniko Tedesko: "Müqavilənin uzadılması ilə bağlı danışıqlar aparırdıq..."
• Millimiz Avropa Kubokunun ilk gününü 8 medalla başa vurub