Ölkəmizi FIBA Çempionlar Liqasında təmsil edəcək "Sabah" Basketbol Klubu heyətini daha bir legionerlə gücləndirib.

Apasport.az klubun rəsmi sosial media hesabına istinadla xəbər verir ki, amerikalı basketbolçu Trevon Duvalla 1 illik müqavilə imzalanıb.

2017-ci ildə ABŞ-da məktəb liqasında 1 nömrəli oyun qurucusu seçilən və 1.88 m boya malik Trevon "Duke Blue Devils"in heyətində NCCA 1-ci divizionunda çıxış edib. 26 yaşlı basketbolçu 2018/2019 mövsümündə "Miluoki"nin heyətində NBA-də debüt edib. Duval son mövsümü Türkiyə Super Liqasında mübarizə aparan "Manisa BB" klubunda keçirib.

O, 2014, 2015 və 2016-cı illərdə ABŞ millisinin aşağı yaş qruplarının təlim-məşq toplanışına çağırılıb.

• Türkiyə millisi azarkeş sayına görə AVRO-2024-də liderdir - Siyahı
• “Zirə”dən böyükhesablı qələbə - YENİLƏNİB
• DÇ-2026: Şotlandiya millisinin heyəti bəlli oldu: Robertson və dostları sürpriz axtarışında
• Ayxan Cabbarov: "Əminəm ki, gec-tez Azərbaycanın əsas millisində oynayacam"
• Azərbaycanlı futbolçu Polşada məşqçi oldu - FOTO