Avropa Liqasının Liqa mərhələsinin III turunda “Qarabağ”ın rəqibi olan “Ayaks” Bakıya bu gün gələcək.

Apasport.az xəbər verir ki, avrokubok iştirakçıları səfər matçlarına adətən bir gün əvvəl yollansa da, Niderland klubu fərqli addım atıb.

Bunu komandanın baş məşqçisi Françesko Farioli istəyib. Mütəxəssis iki səbəbi əsas gətirərək Azərbaycana görüşdən iki gün əvvəl gəlməyi məqsədəuyğun sayıb. “Ayaks”ın baş məşqçisi ümumilikdə 7 saatlıq səfəri və Amsterdamla Bakı vaxtı arasındakı fərqi nəzərə alıb. Belə ki, hazırda iki şəhər arasında 2 saatlıq fərq var və futbolçular da buna uyğunlaşmalıdır.

Qeyd edək ki, “Qarabağ” – “Ayaks” matçı oktyabrın 24-də keçiriləcək. Tofiq Bəhramov adına Respublika stadionundakı qarşılaşma saat 20:45-də başlayacaq.

• Ölkədən kənarda Azərbaycanın 22 idmançısı antidopinq testindən keçib
• Azərbaycan çempionunun baş məşqçisi: “Son oyunu düşünməliyik”
• "Başakşehir"dən Emre Mor açıqlaması
• Bakıda Avropa Cüdo Birliyinin beynəlxalq tibbi seminarı keçirilir
• Julio Romao: “Braziliya bu il, nəhayət ki, dünya çempionu ola biləcək”