Paris-2024: Güləşçimiz medal üçün xalçaya çıxacaq - Günün proqramı
07.08.2024 - 09:38
Paris Yay Olimpiya oyunlarında yarışlar davam edir.
Apasport.az xəbər verir ki, 4 təmsilçimiz bu gün 2 növ üzrə yarışacaqlar.
Taekvondoçumuz Qaşım Maqomedov öz qüvvəsini sınayacaq. O, 1/8 final mərhələsində irlandiyalı Cek Uolley ilə qarşılaşacaq.
Həsrət Cəfərov (67 kq) və Rafiq Hüseynov (87 kq) yunan-Roma güləşi üzrə yarışlara 1/8 final mərhələsindən başlayacaqlar. Həsrət Misir təmsilçisi Mohamed Eısayed, Rafiq isə macarıstanlı David Losonçi ilə üz-üzə gələcək.
Sənan Süleymanov isə bürünc medal uğrunda görüşdə qüvvəsini sınayacaq. 77 kq çəki dərəcəsində yer alan Sənanın rəqibinin adına təsəlliverici görüşlərdən sonra aydınlıq gələcək.
Oxşar xəbərlər
Ana səhifə
Bütün xəbərlər