Tofiq Əliyev Çində keçirilən Dünya Oyunlarının tamblinq yarışlarında 2-ci yeri tutaraq gümüş medal qazanıb və Azərbaycanın medal sayını artırıb.

Apasport.az xəbər verir ki, təmsilçimiz 30,500 xal toplayıb və finalda ABŞ-dan olan Keyden Brauna uduzub.

Bürünc medal isə britaniyalı Fred Tiqa qismət olub.

Hazırda Azərbaycan komandasının hesabında 3 gümüş medal var. Dünən karateçi İrina Zaretskaya və akrobatika üzrə duet — Daniyel Abbasov və Murad Rəfiyev də medal qazananlar sırasında olublar.

Qeyd edək ki, avqustun 17-dək davam edəcək Oyunlarda Azərbaycan 6 idman növündə - akrobatika gimnastikası, aerobika gimnastikası, tamblinq, karate, uşu, kikboksinq idman növlərində 14 idmançı (11 kişi, 3 qadın) ilə təmsil olunur.

• "Braqa"nın baş məşqçisi: "Bu matç heç nəyi həll etmir"
• Portuqaliya klubunun müdafiəçisi: "Yalnız "Qarabağ" və "Neftçi"nin təklifini dəyərləndirərəm"
• Okan Buruk UEFA tərəfindən cəzalandırıldı
• Rəşad Sadıqov: “İstəyərdik ki, hər şey 90 dəqiqədə bizim xeyrimizə həll olunsun”
• Marko Verratti də yarımadaya yollandı