Azərbaycan klublarının voleybol üzrə avrokuboklarda keçirəcəyi oyunların vaxtı dəqiqləşib.

Apasport.az saytının məlumatına görə, 2022/23 mövsümündə ölkəmizi təmsil edəcək “Murov” və “Azərreyl” ilk rəqibləri ilə hər iki qarşılaşmanı Bakıda keçirəcək.

Kişilər arasında Azərbaycan çempionu “Murov” Çelenc kubokunun 1/32 final mərhələsində Xorvatiyanın “Kitro Varazdin” klubu ilə üz-üzə gələcək. Hər iki oyun Bakı İdman Sarayında baş tutacaq. Oktyabrın 19-dakı qarşılaşmada rəqib, ertəsi gün isə təmsilçimiz meydan sahibi sayılacaq. Hər iki matç saat 18:00-da başlayacaq.

Çelenc kubokunda qüvvəsini sınayacaq qadınlardan ibarət “Azərreyl” klubu da mübarizəyə 1/32 finaldan başlayacaq. Təmsilçimiz Slovakiyanın “Slovan” klubu ilə görüşəcək. Noyabrın 29-da və 30-dakı oyunlar da Bakı İdman Sarayında təşkil olunacaq. Hər iki matç saat 18:00-da başlayacaq. İlk qarşılaşmada rəqib, cavab görüşündə vitse-çempion meydan sahibi olacaq.

• “Tottenhem” Hekkedən "əl çəkmir" – De Zerbi keçiddə israrlıdır
• Təmsilçimiz 28 min iştirakçı arasında 56-cı olub: "Dubay Marafonu" - FOTO
• Həvəskar xizəkçilər arasında Heydər Əliyev Kuboku keçirilib
• Qabil Mehdiyev: "İdmançımız sistem köçürülüb, ilkin tibbi yardım göstərilib"
• Ölkə çempionatında finalçılar bəlli olub