Türkiyə Super Liqasında 33-cü tura start verilib.

Apasport.az xəbər verir ki, ilk oyun gününün yeganə qarşılaşmasında "Beşiktaş" "Ankaragücü"nü qəbul edib. Görüş meydan sahiblərinin 2:0 hesablı qələbəsi ilə yekunlaşıb.

Qolları 18-ci dəqiqədə Ernest Muçi və 67-ci dəqiqədə Cekson Muleka vurub. Beləliklə, "qara-ağlar" 5 həftəlik qələbəsizlik seriyasına son qoyub. Komanda buna qədər 3 məğlubiyyət, 2 heç-heçə edib.

Bu nəticədən sonra xallarını 51-ə çatdıran "Beşiktaş" 4-cü pillədə qərarlaşıb. "Ankaragücü" isə 37 xalla 13-cü yerdə qalıb.

• Evdə Edə Biləcəyimiz Effektiv Məşqlər. Fitness Mütəxəssislərindən Tövsiyələr
• “Qəbələ” növbəti transferlərə hazırlaşır - ÖZƏL
• “Kəpəz”in kapitanı: “Neftçi” ilə matçdakı ilk qələbədən sonra demişdim ki…”
• Almaniyaya ölkə xaricindən 580 polis dəvət olunub
• Boks millimiz beynəlxalq turniri 9 medalla başa vurdu