“Çelsi” “Leypsiq”in mərkəz müdafiəçisi Yoşko Qvardiolla maraqlanır.

Apasport.az saytının məlumatına görə, Premyer Liqa klubu Xorvatiya millisinin üzvü üçün qarşı tərəflə danışıqlara başlayıb.

20 yaşlı oyunçunun keçidi qarşılığında hücumçu Timo Verner vətəni Almaniyaya qayıda bilər. Çünki “zadəganlar” Qvardiolla Vernerin dəyişdirilməsini təklif edib. Bundesliqa təmsilçisi müdafiəçisini satmaq niyyətində olmasa da, transfer pəncərəsi bitməmiş vəziyyət dəyişə bilər. Londonlular üçün alternativ variantlar “Lester”li Uesli Fofan və “Bavariya”lı Benjamin Pavardır.

Qeyd edək ki, Yoşko Qvardiol “Leypsiq”ə 2020-ci ildə Zaqreb “Dinamo”sundan keçib.

• Fernandu Santuş: "Heyətlə bağlı verilən bütün qərarlar mənə aiddir"
• İvan Brkıç: "Qarabağ"la görüşdə də "quru seriya"nı davam etdirəcəm" - MÜSAHİBƏ
• Arif Əsədov: “Aşağı yaş millilərimizin ardıcıl məğlub olmaları təsadüfi deyil”
• Ueyn Runi ilə yollar ayrıldı
• Fransa millisinin sabiq futbolçusuna həbs cəzası