Millinin üzvü Almaniyada qətlə yetirilib

12.02.2024 - 13:14

17 yaşlı ukraynalı basketbolçu Vladimir Yermakov Almaniyanın Düsseldorf şəhərində qətlə yetirilib.

Apasport.az xəbər verir ki, bu barədə Kiyev Basketbol Federasiyası məlumat yayıb. Yeniyetmə idmançı naməlum şəxslər tərəfindən öldürülüb.

İlkin məlumata görə, basketbolçu ukraynalı olduğu üçün qətlə yetirilib.

Federasiyadan verilən məlumata görə, qətlə yetirilən Vladimir Yermakov uşaq komandalarında çıxış edib. O, Ukraynanın gənclərdən ibarət (U-16) komandasının tərkibində 2022-ci ildə Bolqarıstanda keçirilən Avropa çempionatında mübarizə aparıb.