“Qalatasaray” CAS-a şikayət edib.

Apasport.az saytının məlumatına görə, Türkiyə klubu sabiq futbolçusu Yunes Belhanda ilə bağlı FIFA-nın qərarının ləğvini istəyib.

Hazırda “Adana Dəmirspor”da çıxış edən mərakeşli yarımmüdafiəçi ötən ilin martında komandadan uzaqlaşdırıldığı üçün ali futbol qurumuna şikayət etmiş və haqlı hesab edilmişdi. FIFA futbolçunun sözləşməsinin sonuna qədər nəzərdə tutulan maaşın ödənilməsini “cim-bom”dan tələb etsə də, istanbullular bununla razılaşmır. CAS-a təqdim edilən 160 səhifəlik müdafiə sənədində Belhandanın haqsız olduğu bildirilib.

Qeyd edək ki, Yunes Belhanda 2017-2021-ci illər aralığında “Qalatasaray”ın heyətində 131 oyun keçirib, 22 qol, 26 assistlə yadda qalıb.
 

• Taqir Ulanbekovdan çətin qələbə
• İspaniya millisinin üzvü sıx qrafikdən narazıdır
• Rəşad Sadiqov: "Millinin baş məşqçisinə hər zaman təzyiq olacaq, çünki..." - Müsahibə
• MOK rəsmiləri Avropa Olimpiya Komitələrinin 54-cü Baş Assambleyasının iclasında iştirak edəcəklər
• Bəxtiyar Musayev: “Ümidsizliyə qapılmağım bərbad baş məşqçisinin olmasıdır” - MÜSAHİBƏ