“Real”dan yayda 4 “əvəzetmə”

12.11.2024 - 11:30

İspaniyanın “Real Madrid” klubu yayda heyətini gücləndirmək niyyətindədir.

Apasport.az İspaniya mətbuatına istinadən xəbər verir ki, komanda 4 yeni oyunçu ilə danışıqlar aparır.

Bunlar, “Bayer 04”dən Florian Virtz, Jonatan Ta, “Bavariya”dan Alfonso Deyvis və “Liverpul”dan Trend Aleksandr-Arnolddur. Buna səbəb Madrid təmsilçisinin 3 oyunçusunun -Dani Karvaxal, Eder Militao və David Alabanın zədədən əziyyət çəkməsidir.

“Kral klubu” bu transferlərdən yalnız Virtz üçün qarşı tərəfə təklif göndərəcək, digər 3 oyunçunu isə pulsuz şəkildə yayda heyətinə qatacaq.

Qeyd edək ki, “Real” 12 turdan sonra İspaniya La Liqasında 27 xalla turnir cədvəlinin 2-ci pilləsində qərarlaşıb.