Xavi üçün təhlükə

28.11.2023 - 11:16

"Barselona" baş məşqçisi Xavi ilə yollarını ayıra bilər.

Apasport.az xəbər verir ki, Çempionlar Liqasının "Porto" ilə matçında yaxşı nəticə əldə olunmasa, İspaniya klubu baş məşqçisini istefaya göndərməyi nəzərdən keçirəcək.

Qrup mərhələsinin 5-ci turu çərçivəsində keçiriləcək “Barselona” – “Porto” matçında məğlubiyyət və ya heç-heçə Xavi üçün postunda sonuncu ola bilər. Qarşılaşma bu gün keçiriləcək.

Qeyd edək ki, 43 yaşlı mütəxəssis "Barselona"nı 2021/22 mövsümündən çalışdırdığı komandanı 108 matça çıxarıb.