AFFA-nın təşkil etdiyi Yüksək Qızlar Liqasında 2023/2024 mövsümünə yekun vurulub.

Apasport.az qurumun mətbuat xidmətinə istinadən xəbər verir ki, sonuncu – XVIII turda “İnter” (Xaçmaz) üzərində 14:0 hesablı qələbə qazanan “Neftçi” komandası yarışın qalibi olub.

“Sumqayıt” ikinci, “Baku Juniors” isə üçüncü yeri tutublar.

Oyundan sonra ilk üç yerin sahibləri medallar və diplomlarla təltif olunublar. Həmçinin fərdi nominasiyalar üzrə qaliblər bəlli olub. “İnter”in futbolçusu Bədriyyə Mavludova mövsümün ən yaxşı oyunçusu, “Neftçi”nin üzvü Günay İsmayılova ən yaxşı qapıçısı seçilib. Mövsüm ərzində 77 qol vuran “Neftçi”nin oyunçusu Aysun Seydiyeva isə ən məhsuldar futbolçuya verilən mükafata sahib olub.

Qeyd edək ki, THY Futbol Mərkəzində təşkil edilən mərasimdə mükafatları AFFA-nın baş katibinin müavini Kamran Vəliyev, qurumun Qadın Futbolu Departamentinin rəisi Əminə Həsənova və “Neftçi” klubunun baş icraçı direktoru Fərrux Mahmudov təqdim ediblər.

• İki güləşçimiz finalda
• Qələbə kuponu
• Roberto Martines: “Azərbaycanın uzaqda olması problemdir”
• “Santos”un gözü “Fənərbaxça”da
• Taekvondo Federasiyasında Avropa çempionları ilə görüş - FOTO