Andorra millisinin baş məşqçisi Kaldo Alvares maraqlı açıqlama ilə diqqət çəkib.

Apasport.az saytının məlumatına görə, ispaniyalı mütəxəssis Andorrada futbolun inkişafından bəhs edib.

52 yaşlı mütəxəssis artıq cırtdan ölkələr üzərində qələbənin onları qane etmədiyini bildirib. O, Andorra yığmasının arzuladığı komandalardan birinin Azərbaycan yığması olduğunu gizlətməyib: “Cəmi 80 min əhalimiz olmasına baxmayaraq, FIFA reytinqində 206-cı yerdən 152-ci pilləyə qədər yüksəlmişik. Həmişə yuxarı baxırıq. İndi San-Marinonu və ya Lixtenşteyni məğlub etmək normaldır. Ona görə də Latviya, Litva və ya Azərbaycan kimi reytinqdə bizdən yuxarıda olanları məğlub etməyə çalışmalıyıq”.

Qeyd edək ki, Millətlər Liqasının D liqasında qərarlaşan Andorra yığması qrupda keçirdiyi ilk 4 oyunda 4 xal toplayıb. Azərbaycan yığması isə C liqasında eyni nəticəni göstərib.
 

• Montella: "Küçədə məni dayandırıb qucaqlayırlar"
• Referi oyuna 42 dəqiqə əlavə etdi
• Ramilin KUPONU
• "Liverpul"dan Nunyesə 100 milyonluq təklif 
• Musalı “Yurqorden” bir xalla kifayətləndi