Futzal üzrə Çempionlar Liqasının 2022/23 mövsümünün ilkin və əsas mərhələsinin püşkü atılıb.

Apasport.az saytının məlumatına görə, turnirdə Azərbaycanı təmsil edəcək “Araz-Naxçıvan”ın da rəqibləri müəyyənləşib.

Mübarizəyə əsas mərhələdən start götürəcək ölkə çempionu B yolunda yarışacaq. Təmsilçimiz burada 5-ci qrupunda yarışacaq. “Araz Naxçıvan”ın rəqibləri “Mostar” (Bosniya və Herseqovina), həmçinin ilkin mərhələnin D qrupunun (İsveçrə “Mineva”sı, Serbiya “Loznika-Qrad 2018”i, Norveç “Vesteralen”i, San-Marino “Folqore”si) və F qrupunun (Gürcüstan “Georgians”ı, Almaniya “Ştutqart”ı, İsveç “Orebro”su, Türkiyə “İstanbul Şişli”si) qalibləri olacaq. Qrup oyunları Bosniya və Herseqovinada keçiriləcək.

Qeyd edək ki, əsas mərhələnin oyunları 25-30 oktyabr tarixlərində keçiriləcək. B yolunda yalnız qrup qalibləri elit-raunda vəsiqə qazanacaq.

• Jorjinyo Milanda
• “Nyukasl”ın yeni hədəfi
• "Sivasspor" avrokubokla vidalaşdı, "Lex" 1/4 finalda
• “Qalatasaray”da 662 günlük həsrət bitdi
• “Apasport”un KUPONU