Martın 18-də Monteneqronun Petrovaç şəhərində qadın şahmatçılar arasında şəxsi Avropa çempionatına start veriləcək. 

Apasport.az saytının məlumatına görə, 11 turdan ibarət qitə çempionatında 35 ölkə iştirak edəcək. 

Azərbaycanı qitə çempionatında Günay Məmmədzadə, Ülviyyə Fətəliyeva, Gövhər Beydullayeva, Xanım Balacayeva, Gülnar Məmmədova, Türkan Məmmədyarova, Xəyalə Abdulla, Səbinə İbrahimova, Ayan Allahverdiyeva, Ləman Hacıyeva, Nərmin Abdinova, Mələk İsmayıl, Nazlı Hümbətova və Lalə Hüseynova təmsil edəcək. 

Avropa çempionatının ümumi mükafat fondu 60 min avro təşkil edir. 

Qitə çempionatına martın 29-da yekun vurulacaq.
 

• Davud Kərimi finaldakı qələbənin sirrini açıqladı
• "İlin Qalibləri - 2022" üçün namizədlər açıqlandı 
• "Baku Fire" Qazaxıstan təmsilçisini məğlub etdi
• Tomas Bax Bakı səfərində
• Qabriel Jezusun durumuna aydınlıq gəldi