Polşada keçirilən Krakov-2023 III Avropa Oyunları davam edir.

Apasport.az saytının məlumatına görə, iyulun 1-də 26 medal dəsti sahibini tapacaq.

Bununla da oynanılan medal dəstlərinin sayı 223-ə çatacaq. Avropa Oyunlarının 11-ci günündə tamaşaçılar 12 növdə mübarizəyə şahid olacaq. 

Çimərlik futbolu, triatlon, müasir beşnövçülük, teqbal, dağdan tramplinlə tullanma və stolüstü tennisdə yarışlara yekun vurulacaq. Həmçinin, bir günlük mübarizəyə start verən cüdoçular Avropa Oyunlarında çıxışını da başa vuracaq.

Bu növlərdən başqa, boks, atıcılıq, kanoe-slalom və badmintonda da medal dəstləri sahibini tapacaq. Kikboksinqdə isə yarışlar davam edəcək.

Azərbaycan idmançıları bu növlərdən çimərlik futbolu, cüdo və kikboksinqdə qüvvəsini sınayacaq. 

1 iyul
Cüdo
12:00. Qarışıq komanda yarışları, 1/16 final
Azərbaycan - Çexiya
Azərbaycan (Nəriman Mirzəyev, Rəşid Məmmədəliyev, Elcan Hacıyev, Vüqar Talıbov, Camal Həmzətxanov, İmran Yusifov, Fidan Əlizadə, Südabə Ağayeva, Günel Həsənli, Nərmin Əmirli, Nigar Süleymanova)

Kikboksinq
13:15. Kişilər, full kontakt, 63,5 kq, yarımfinal
Fərid Ağamoğlanov - Milton Ameriko Barrios Qalaretta (Norveç)

Çimərlik futbolu
16:00. Kişilər, 5-ci yer uğrunda oyun
Moldova – Azərbaycan

• Çempionlar Liqası: “Neftçi”nin rəqibləri müəyyənləşib
• "Sabah"dan inanılmaz geridönüş - YENİLƏNİB
• Basketbolçularımız Avropa çempionatının finalına yüksəlib
• Macarıstan KUPONU
• Stefan Kuntza alman millisindən təklif