Azərbaycan millisi rekordunu yenilədi

20.11.2022 - 18:52

Azərbaycan millisi ardıcıl 5-ci qələbəsini qazanıb.

Apasport.az saytının məlumatına görə, bu, yığma tarixində yeni rekorddur.

Şimali Makedoniya ilə yoldaşlıq görüşündə yığmamız ardıcıl qələbə sayındakı rekordunu təzələyib. Canni de Byazinin yetirmələri dörd gün əvvəl Moldova səfərində (2:1) ardıcıl 4-cü qalibiyyətini əldə etmişdi. Ona qədər də Millətlər Liqasında Belarus (2:0), Slovakiya (2:1) və Qazaxıstanı (3:0) üstələyən millimiz Skopyedəki 3:1 hesablı qələbə sayəsində mütləq rekorda imza atıb.

Qeyd edək ki, Azərbaycan yığması sonuncu dəfə iyunun 10-da Millətlər Liqası çərçivəsində Slovakiya ilə ev matçında (0:1) uduzub.