Taekvondo üzrə böyüklər arasında və parataekvondoçular arasında Azərbaycan çempionatı keçirilib.
Apasport.az saytının məlumatına görə, Abşeron Olimpiya İdman Kompleksində taekvondoçular arasında təşkil olunan yarışda 127 idmançı 14 çəki dərəcəsində gücünü yoxlayıb.
Gərgin keçən döyüşlərdən sonra qadınlar 6, kişilər 8 çəki dərəcəsində ölkənin ən güclülərini müəyyənləşdiriblər. Komanda hesabında Dövlət Gömrük Komitəsinin İdman-Sağlamlıq Mərkəzi birinci olub. İkinci yeri Ağcabədi komandası tutduğu halda, “Xəzər” Taekvondo Klubu ilk “üçlüy”ü qapayıb.
Yarışın yekununa əsasən kişilər arasında ən əzmkar idmançı adına Avropa çempionatının mükafatçısı Eltac Qafarov layiq görülüb. Azərbaycan çempionatının digər qızıl medalçısı Minayə Əkbərova isə bu ada qadın taekvondoçuların mübarizəsində sahib olub.
Beynəlxalq dərəcəli hakimlər arasında ən yaxşı referi adına Aygül Abdullayeva və Ramal Camalov yiyələniblər. Milli dərəcəli ədalət təmsilçilərindən Dilarə Həsənova və Elmir Mahmudov həmkarlarından fərqləniblər.
Qadın məşqçi nominasiyasında Günay Zeynalova, kişi məşqçi seçimində isə Zöhrab İsmayılov ən yaxşı adını qazanıblar.
Parataekvondoçular arasında yarışda isə 5 çəkidə dərəcəsində kişilər, 1 çəkidə qadınlar güclərini yoxlayıb və qalibləri müəyyənləşdiriblər.
Beləliklə, 5 gün davam edən Azərbaycan birincilikləri və çempionatları başa çatıb. İlin son yarışlarında böyüklərdə 127 idmançı qüvvəsini sınayırdısa, yeniyetmələr arasında ölkə birinciliyində 420, gənclərdə 340 taekvondoçu dayanq üzərinə çıxıb.
Fərqlənən taekvondoçular millinin heyətinə cəlb olunacaq və beynəlxalq yarışlarda ölkəmizi təmsil edəcəklər.
Azərbaycan çempionatı
Qadınlar
46 kq
1. Minayə Əkbərova (Ağcabədi)
2. Paniz İsmailpur (Təhsil RİM-Sumqayıt)
3. Şəbnəm Novruzova (“Hədəf-Olimpiya”)
3. Qönçə Hüseynli (DGK İSM)
49 kq
1. Səmmərux Osmanova (“Qafqaz” TK)
2. Sevda Pirseyidova (Qusar)
3. Aylin Eynullayeva Sumqayıt
3. Məleykə Qurbanova (Xaçmaz)
53 kq
1. Patimat Abakarova (DGK İSM)
2. Aysel Xudaverdiyeva (“Qafqaz” TK)
3. Səriyyə Bağırova (DGK İSM)
3. Zivər Tağıyeva (DGK İSM)
57 kq
1. Röya Hacıyeva (“Xəzər” TK
2. Səidə Əliyeva (Qusar)
3. Syuzanna Silvestr (“Cəsur” TK)
3. Alina Rəfiyeva (Qusar)
62 kq
1. Fatimə Məcidova (Təhsil RİM-Sumqayıt)
2. Nuranə İbrahimova (“Fərasət” TK)
3. Nəzrin Muradova (DGK İSM)
3. Səidə Heydərli (“Kainat” TK)
+73 kq
1. Sevinc Səfərova (DGK İSM)
2. Şəbnəm Poladova (“Tovuz” TK)
3. Jalə Kazımova (Gəncə)
Kişilər
54 kq
1. Səyyad Dadaşova (Quba)
2. Rahid Vəliyev (Masallı)
3. Seymur Şahbazov (RUGİM)
3. Pünhan Mürsəlov (“Fortis Group” TK)
58 kq
1. Qaşım Maqomedov (DGK İSM)
2. Ruslan Seyidov (Sumqayıt)
3. Kənan Məmmədov (Sumqayıt)
3. Hətəm Həsənli (“Atilla” TK)
63 kq
1. Xanoğlan Kərimov (DGK İSM)
2. Pərviz İskəndərov (DGK İSM)
3. Eyyub Mahmudlu (“Ümid” TK)
3. Həmidrza Sədri (DGK İSM)
68 kq
1. Yaşar Məmmədli (“Qafqaz” TK)
2. Nizami Hacıyev (“Tornado” TK)
3. Əbülfət Zülfüqarov (DİN İC)
3. Samir Məhərrəmov (Masallı)
74 kq
1. Eltac Qafarov (DİN İC)
2. Vaqif Hacıyev (“Fortis Group” TK)
3. İsmət İsrafilzadə (“Qafqaz” TK)
3. Qüdrət Nurizadə (“Abşeron” TK)
80 kq
1. Ələsgər Əliyev (MOİK)
2. Nihat İsmayılzadə (DGK İSM)
3. Nihad Həsənov (DİN İC)
3. Elgün Ağayev (“Qafqaz” TK)
87 kq
1. Taleh Süleymanov (DGK İSM)
2. Hüseyn Əlizadə (DİN İC)
3. Fəttah Fəttahzadə (ROM)
3. Natiq Bağırzadə (Şirvan)
+87 kq
1. Həmidreza Bədriəliabadi (DGK İSM)
2. Elvin Məmmədov (FHN İSK)
3. Xəyyam Ağayev (“Araz-Şöhrət” TK)
3. İlkin İslamov (DGK İSM)
Parataekvondo
K44
58 kq
1. Sabir Zeynalov (“Neftçi” İK)
2. Amin Əliyev (“Abşeron” TK)
3. Elşən Tahirov (“Cavidan” TK)
3. Ayxan Nuriyev (Ağdaş)
63 kq
1. Amin Şıxəliyev (“Ümid” İK)
2. Sadiq Həmidov (“Neftçi” İK)
3. Elimxan Manafov (“Neftçi” İK)
3. Ayaz Hüseynli (“Neftçi” İK)
70 kq
1. İmaməddin Xəlilov (Gəncə UGİM)
2. Samir Əliyev (“Neftçi” İK)
80 kq
1. Əbülfəz Abuzərli (“Neftçi” İK)
2. Sarvan Məmmədli (“Neftçi” İK)
+80 kq
1. Orxan Cəfərov (Gəncə UGİM)
2. Şahmar Quliyev (Gəncə UGİM)
Qadınlar
52 kq, K44
1. Röyalə Fətəliyeva
Oxşar xəbərlər
Ana səhifə
Bütün xəbərlər
Hesabım