“Hər iki oyun bizim üçün vacibdir. 17 ay öncə burada uduzmuşduq”. 

Apasport.az saytının məlumatına görə, bunu Azərbaycan millisinin baş məşqçisi Canni de Byazi deyib.

İtaliyalı mütəxəssis Moldova ilə sabah keçiriləcək yoldaşlıq oyununa həsr olunan mətbuat konfransında fikirlərini açıqlayıb: “Dünən futbolçularla bu barədə söhbətimiz oldu. Türkiyə və Belarusla oyundan sonra buraya rahat gəlmişdik. Onda yanaşma yaxşı deyildi. Meydanda bütün gücümüzü ortaya qoymalıyıq.
İnkişaf etmək, inam qazanmaq üçün çox çalışmalıyıq. AÇ-nin seçmə mərhələsinə 122 gün qalıb. Hazırda düşərgədə 26 futbolçu var. Bu futbolçular bizə seçmə mərhələdə kömək edə bilərlər. Millinin qapısı hamı üçün açıqdır. Amma bağlana da bilər. Son vaxtlar işlərimiz yaxşı gedir, ardıcıl üç qələbə qazanmışıq. Buna görə sevinirəm. Əsas odur yaxşı ki, nəticələrdən sonra razı qalmayaq".

Qeyd edək ki, Kişinyovda baş tutacaq Moldova – Azərbaycan matçı Bakı vaxtı ilə saat 21:00-da başlayacaq.

• Henderson “Əl-İttifaq”a keçdi
• Sane "Bavariya"dakı gələcəyindən danışıb
• “Qəbələ”nin nigeriyalı futbolçusu: “Əsas məqsədimiz Premyer Liqaya yüksəlməkdir”
• Maksim Medvedev: “Favorit onları görürəm, amma İspaniyaya azarkeşlik edəcəyəm”
• Martın ən yaxşısı "Atletiko"nun futbolçusu oldu