Uels yığmasının qapıçısı Ueyn Hennessi Qətərdə keçirilən dünya çempionatında ilk qırmızı vərəqənin sahibi olub.

Apasport.az saytının məlumatına görə, qrup mərhələsinin II turunda İranla görüşün 86-cı dəqiqəsində qırmızı vərəqə ilə cəzalandırılan qolkiper dünya çempionatları tarixində meydandan qovulan 3-cü qolkiperdir.

Hennessiyə qədər cəmi 2 qapıçı - italiyalı Canluka Palyuka (DÇ-1994-də Norveçlə oyunda) və cənubi afrikalı İtumelenq Hune (DÇ-2010-da Uruqvayla görüşdə) qırmızıya “layiq görülüb”.

Qeyd edək ki, Uels – İran oyunu ikincilərin 2:0 hesablı qələbəsi ilə nəticələnib. Uels millisi qrupda son oyununda noyabrın 29-da İngiltərə ilə qarşılaşacaq.
 

• "Eyüpspor" Lanzini ilə danışıqlara başlayıb
• Konfrans Liqası I təsnifat mərhələsinə yekun vuruldu
• Günün TƏKLİFİ
• “Turan Tovuz”dan “Tottenhem”in yetirməsinə təklif
• Premyer Liqa oyunları üçün təyyarədən istifadə edilməsin - TƏKLİF