Milli çempionatlarda davam edən ən uzun seriyalar açıqlanıb.
Apasport.az saytının məlumatına görə, Azərbaycan çempionu “Qarabağ” da siyahıda yer alıb.
Qurban Qurbanovun yetirmələri səfərdəki quru oyunlar sayında fərqlənib. Ağdam klubu 7 matçdır meydan sahiblərindən qol buraxmır.
“Qarabağ” cari mövsüm “Sumqayıt” (2:0), ötən çempionat “Səbail” (3:0), “Qəbələ” (2:0), “Sumqayıt” (3:0), “Zirə” (3:0), “Sabah” (1:0) və “Şamaxı”dan (0:0) da qol buraxmayıb. Fevralın 7-də ağdamlılara 1:2 hesabı ilə uduzan “Neftçi” evdə ölkə çempionunun qapısına qol vuran sonuncu komandadır.
Qurbanovun komandası bu göstəricidə hazırda dünya birincisidir. Planetin heç bir komandası səfərdə ardıcıl 7 dəfə qapısını toxunulmaz saxlamayıb.
Peru çempionatında 6 səfərdir qol buraxmayan “Melqar” ikinci sıraya şərikdir. BƏƏ təmsilçisi “Əl-Əyn”in seriyası da eyni qədər matçdan ibarətdir.
Avropanın ikincisi, dünyanın dördüncüsü “Benfika”dır. Portuqaliya klubu 5 səfər qarşılaşmasında qol buraxmayıb. “Top-5”i “Vilyarreal” qapayır. İspaniya təmsilçisinin seriyası 4 görüşdən ibarətdir.
Qeyd edək ki, “Qarabağ” növbəti səfər matçını sabah “Kəpəz”ə qarşı keçirəcək.
Oxşar xəbərlər
Ana səhifə
Bütün xəbərlər
Hesabım