“Toplanış çərçivəsində sayca ikinci oyunumuzu keçirdik. Hesab açılmasa da, görüş dinamik oldu. Rəqib də möhkəm komanda idi. Yaxşı hazırlıq keçdikləri hiss olunurdu. Futbolçularımın topa daha çox nəzarət etməsi müsbət məqam idi".

Apasport.az xəbər verir ki, bu sözləri "Araz-Naxçıvan"ın baş məşqçisi Elmar Baxşıyev Türkiyənin Erzurum şəhərində təlim-məşq toplanışı çərçivəsində Küveytin “Al Arabi” klubu ilə yoxlama oyunundan (0:0) sonra deyib.

"Ümumiləşdirsək, Erzurum toplanışı faydalı oldu. Komandama gördüyü işə görə təşəkkür edirəm. Sabah Bakıya qayıdırıq. Çempionata qədər daha bir matçda gücümüzü sınayacağıq. İyulun 28-də əvəzedicilərlə üz-üzə gələcəyik. Bundan sonra avqustun 2-də “Qarabağ”la keçirəcəyimiz matça hazırlaşacağıq”.

• “Qarabağ” mövqeyini qorudu – UEFA REYTİNQİ
• “Mançester Siti” "Çelsi"dən onu gətirir
• 2,31 əmsallıq KUPON
• Belajdi Pusi: "Növbəti matçlarımızı da qələbə ilə başa vursaq..." - Müsahibə
• “Fənərbaxça”dan Ərəbistan yarımadasına