"Qarabağ"ın sabiq futbolçusu Kənan Kərimovun apasport.az saytına müsahibəsi 

- "Qarabağ" sona iki tur qalmış çempionluğu rəsmiləşdirdi. Sizcə bunu daha tez etmək olardı? 
- İki tur qalmış çempion olmaları o demək deyil ki, "Qarabağ" bu mövsüm çətinliklərlə üzləşdi. Düzdür, "Sabah" zaman-zaman onlara problem yaratdı. Bəzən yaxınlaşırdılar. Amma "Qarabağ" çətinlik çəkmədi. "Sabah"ın ikinci yerə layiq olduğunu göstərdi. 

- "Qarabağ"ın Çempionlar Liqasında qruplara qalması üçün yeni transferlərə ehtiyacı var? 
- Hamımız istəyərik ki, "Qarabağ" Çempionlar Liqasının qruplarına düşsün. Bunun üçün transferlərə ehtiyacı var. Ümid edək ki, bu da olacaq. 

- Qışdakı transferlər sizcə özünüzü doğrultdu? Doğrultmayıblarsa, göndərmək lazımdır? 
- Məncə, yeni gələnlər özlərini bir o qədər göstərmədi. Onların göndərilib-göndərilməməsi klubun daxili işidir. Amma ən azından yenə üç transferə ehtiyacları var. Eşitdiyimə görə, Ramil Şeydayevin də "Qarabağ" dan ayrıla bilər.

- Hansı mövqelər gücləndirilməlidir? 
- Təbii ki, hər komandanın yeni transferlərə ehtiyacı var. Hücum, dayaq və 10 nömrə mövqeyində komandanın səviyyəli legionerlərə ehtiyacı var. Qrupa düşməsi üçün bunu etməlidirlər. 

- Bombardirlər siyahısında Ramil Şeydayev və Musa Qurbanlı mübarizə aparır. Sizcə bombardirlik yarışında hansı qazanacaq? 
- Hamımız üçün sevindirici haldır ki, bombardirlər yarışında azərbaycanlı futbolçular başçılıq edir. Məncə, Ramil daha şanslıdır. Çünki iki top öndədir və sona da cəmi iki tur qalıb. Elə bombardir olmağa o daha şanslıdır. Qismətdir. Əsas odur ki, azərbaycanlılar bombardirlər siyahısına başçılıq edir.

• Rahil Məmmədovun yeni klubu müəyyənləşib
• Birinci Liqa: "Karvan" "Cəbrayıl"la bacarmadı
• “Neftçi”də oynamış erməni futbolçu ilə “EKSKLÜZİV MÜSAHİBƏ”
• Azərbaycan Kubokunun 32 illik tarixində 32 qollu rekord
• Flik Bundestimdən qovuldu