Krakov-2023 III Avropa Oyunlarında atıcılıq yarışları davam edir.

Apasport.az saytının məlumatına görə, bu gün tapança ilə 25 m məsafədən atəş açan kişi snayperlər dəqiqliyini yoxlayır. 

Azərbaycan təmsilçisi Ruslan Lunyov yarışda çıxışını başa vurub. Təsnifat mərhələsində 600 mümkün xaldan 581-ni toplayan atıcımız 6-cı yeri tutub.

O, final mərhələsinə yüksələn 8 snayper arasında qərarlaşıb. Bu raund iki hissədən ibarət olub.

Snayperlər öncə iki “dördlük”də yarışaraq mükafatlar uğrunda mübarizə aparanları müəyyənləşdirib. Lunyov ikinci “dördlük”də 9 xal toplayaraq sonuncu olub və medal şansını itirib.

Qeyd edək ki, yarışın mükafatçıları bu gün bəlli olacaq.
 

• Lionel Messi məşqlərə başlayıb
• Zümrüd Ağayeva Avropa çempionatının oyununa təyinat alıb
• Messi və Suarez ötürmə etdi, "İnter Mayami" qələbə qazandı
• "Qarabağ" mobil tətbiqini istifadəyə verib
• Əfsanəvi futbolçu Parisdə qarət olunub