“Geniş heyətimiz var. Bizi “Qarabağ”la çətin səfər matçı gözləyir”.

Apasport.az saytının məlumatına görə, bunu “Lex”in baş məşqçisi Con van den Brom Çempionlar Liqasının I təsnifat mərhələsində “Qarabağ”la Bakıda keçiriləcək cavab oyunu barədə danışarkən deyib.

Niderlandlı mütəxəssis qarşılaşmanın ağırlığını dərk etdiklərini vurğulayıb: “Bizi Bakıda ağır döyüş gözləyir. Şübhəsiz ki, çox çətin olacaq. Baş məşqçi kimi, sərəncamımdakı 22-23 futbolçunun hamısından istifadə edə bilərəm. Vəzifəmiz bütün oyunçuları hazır saxlamaqdır”.

Qeyd edək ki, iyulun 12-də Tofiq Bəhramov adına Respublika Stadionunda keçiriləcək “Qarabağ” – “Lex” oyunu saat 20:00-da başlayacaq. Poznandakı ilk matçda meydan sahibləri 1:0 hesablı qələbə qazanıb.

• DÇ-2022-də qalmaqal: Etoo azarkeşi döydü - VİDEO
• Millimiz təlim-məşq toplanışına başladı
• Slovakiya – Azərbaycan: Kim şanslıdır?
• “Nant” - “Qarabağ”: Kim şanslıdır?
• "Neftçi"nin bazasına hücum edən 2 azarkeş həbs olunub