Azərbaycanın daha bir güləşçisi dünya çempionatında final görüşünə çıxıb.

Apasport.az saytının məlumatına görə, Serbiyanın paytaxtı Belqraddakı mundialın ikinci günündə Ülvi Qənizadə çempionluq qarşılaşmasında qüvvəsini sınayıb.

72 kq çəkidə mübarizə aparan yunan-Roma güləşçimiz serbiyalı Ali Feyzollah Arsalan ilə üz-üzə gəlib. Güləşçimiz 4:7 hesabı ilə uduzub və gümüş medalla kifayətlənib.

Bu, yığmamızın ikinci medalı olub. 55 kq çəkidə Eldəniz Əzizli dünya çempionu adına yiyələnib.

Qeyd edək ki, sabah yunan-Roma millimiz daha 4 medal qazanmaq imkanına malikdir. Taleh Məmmədov (63 kq), Həsrət Cəfərov (67 kq) və Arif Niftullayev (97 kq) bürünc medal, Rafiq Hüseynov (82 kq) isə təsəlliverici qarşılaşmada mübarizə aparacaq. 
 

• Aleksis Sançez sabiq klubuna qayıdıb
• Daha bir boksçumuz Millətlər kubokunun finalında
• Rəşad Sadıqov: "Yaşlandıqca mətbuatdan uzaq qalmağa çalışıram"
• Boksçumuz dünya çempionatına qələbə ilə başladı
• Mourinyodan “Roma” qərarı