Yeni mövsümə hazırlaşan “Neftçi” transfer çalışmalarını davam etdirir. 

Apasport.az saytının məlumatına görə, müdafiə xəttini gücləndirməyə qərar verən “ağ-qaralar”Mark Tamaşın xidmətində maraqlıdır.

Paytaxt təmsilçisi macarıstanlı mərkəz müdafiəçisi ilə danışıqlara başlayıb. Bakılılar həm futbolçu, həm də onun məxsus olduğu “Sepsi”ni razı salmağa çalışır.

2021-ci ildə Macarıstan millisində debüt edən Tamaş vətənində “Puşkaş Akademi”, “Diosqyor”, Polşada “Şlensk” klublarında çıxış edib. O, 2022-ci ilin yayından “Sepsi” forması geyinir. 

Qeyd edək ki, müdafiəçinin hazırkı klubu ilə müqaviləsi 2024-cü il iyunun 30-da başa çatacaq.
 

• “Real”ın istədiyi hücumçuya 80 milyon qiymət qoyuldu
• “Apasport”dan yutub KUPONU
• Kadiri: "Azərbaycanda özümü sübut etdiyimi düşünürəm" - Müsahibə
• Bir oyunda 60 qol, 41 avtoqol – 4 komandaya sanksiya
• Canni de Byazi: “Heç kim deyə bilməz ki, pis oynadıq”