“Neftçi” qışda heyətini gücləndirmək niyyətindədir.

Apasport.az saytına verilən məlumata görə, “ağ-qaralar”ın əsas transfer hədəflərindən biri Miço Kuzmanoviçdir.

Paytaxt təmsilçisi bosniyalı üçün qışda təklif irəli sürəcək. Bu mövsümün əvvəli “Araz-Naxçıvan”a keçən və Premyer Liqada adından söz etdirən 27 yaşlı yarımmüdafiəçinin klubu ilə müqaviləsi 2024-cü ilin iyun ayına qədər qüvvədədir. “Neftçi” “Ümraniyespor”un üzvü Coşqun Diniyevlə Kuzmanoviçin keçidini ən pis halda, yayda həll etmək istəyir. Amma Naxçıvan klubu özü də, legionerinin müqavilə müddətini artırmağı planlaşdırır. Buna görə də, onu buraxıb-buraxmayacağı hələ ki, bəlli deyil.

Qeyd edək ki, Kuzmanoviç bu mövsüm 11 matçda 2 qol vurub, 4 assist edib.

• Levandovskidən “Fənərbaxça” iddialarına cavab
• “Milan”la “Latsio”nun ortaq hədəfi
• Rimas Kurtinaytis: “Qələbənin açarı müdafiədədir”
• Messinin "Əl-Hilal"a keçməsinə maneə
• “İnter”dən Dzeko qərarı