“İlk növbədə oyunçularımı təbrik edirəm”.

Apasport.az saytının məlumatına görə, bunu “Olimpiakos”un baş məşqçisi Miçel Qonzales Avropa Liqasının qrup mərhələsində “Qarabağ”la keçirilən IV tur oyunundan sonra deyib.

İspaniyalı çalışdırıcı 0:0 hesabı ilə yekunlaşan matçdan sonrakı mətbuat konfransında fikrini bu sözlərlə davam etdirib: “Futbolçularım üçün belə gərgin vəziyyətdə mübarizə aparmaq asan deyil. Gələcəyə ümidlə baxırıq. Komandamızda bəzi itkilər var. Mvila da ağrılarla oynayırdı. Çalışacağıq ki, bu vəziyyətdən bir yerdə çıxaq”.

- Bakıdan hansı təəssüratla qayıdırsınız?
- Rəqib olsaq belə, stadion dolu olanda bundan zövq alıram. “Qarabağ” da baxımlı futbol oynayır. Onların azarkeşləri də yəqin ki, oyunlarından razıdır.

- Matça 3 mərkəz müdafiəçi ilə başladız, bir müddət sonra sistemi dəyişdiz, komanda sanki daha yaxşı oynadı. Gələcəkdə bu sistemdən yararlanmağı düşünürsüz?
- Həftəlik məşqlərə başlayanda 3 mərkəz müdafiəçisi ilə oynamaq planımız yox idi. Banın durumu qeyri-müəyyən idi. Sistemi dəyişəndən sonra gördük ki, belə daha yaxşıdır. Vrsalkonun fiziki durumu da yaxşı deyildi. Amma bu sistem gələcək üçün uğurlu ola bilər.

- Evdə və səfərdəki oyuna əsasən “Qarabağ” sizi nə ilə təəccübləndirdi?
- Dünən də demişdim ki, oradakı nəticə bizim üçün amansız oldu. Çünki ona layiq deyildik. Oyunun əsas hissəsində həm topa sahib olduq, həm dominantlıq etdik. Əsas fərq o idi ki, oradakı matçda hər dəfə səhv edəndə qapımızda qol gördük. Pireydə hücumda bir çox alternativi olan, bir-biri ilə yüksək səviyyədə anlaşması olan komandaya qarşı oynayırdıq. Onlara qarşı dominantlıq eləmək heç də asan deyildi. Bunu nəzərə almaq lazımdır.
 

• “Barselona” onu qaytarır
• Ekspertlər “Sabah” - “Neftçi” matçını DƏYƏRLƏNDİRDİ
• Frankfurt və Liverduldakı oyunların start heyətləri
• Milli Olimpiya Komitəsi ilə Azərbaycan Voleybol Federasiyası arasında protokol imzalanıb
• Millimizin yoldaşlıq oyunları üçün heyəti açıqlanıb