Azərbaycan Premyer Liqası dünyanın ən güclü futbol liqaları sırasında yer alır.
Apasport.az xəbər verir ki, bu barədə Beynəlxalq Futbol Tarixi və Statistikaları Federasiyası (İFFHS) məlumat yayıb.
Qurumun 2023-cü il üçün tərtib etdiyi siyahıda 100 ölkənin çempionatı yer alıb. Hesablamalara əsasən çempionatımızın əmsalı 429,75-ə bərabərdir. Bu nəticə ilə Premyer Liqamız dünyada 40-cı ən güclü çempionat sayılır. Xatırladaq ki, Azərbaycan çempionatı əvvəlki illə müqayisədə 1 pillə irəliləyib.
Dünyanın ən güclü liqası isə İtaliya A seriyasıdır. 2022-ci ildə 5-ci olan İtalyanlar hazırda 1619,5 xalla liderliyi ələ keçirə biliblər.
Siyahıda İngiltərə Premyer Liqası 1567 xalla 2-ci, 1447 xala malik İspaniya La Liqası 3-cü sırada yer alıb.
Maraq üçün qeyd edək ki, qardaş Türkiyə Super Liqası ötən ilin yekunlarına əsasən 3 pillə irəliləyərək 838,25 xalla 12-ci pilləyə yüksəlib.
Oxşar xəbərlər
Ana səhifə
Bütün xəbərlər
Hesabım