Çempionlar Liqasının II təsnifat mərhələsində “Qarabağ”la cavab oyununa çıxacaq “Sürix” bir futbolçusunun xidmətindən məhrum qalacaq.

Apasport.az saytının İsveçrə mətbuatına istinadən məlumatına görə, müdafiəçi Beçir Omeraqiç bugünkü matçı buraxacaq.

Buna səbəb 20 yaşlı mərkəz müdafiəçisinin hələ də zədəsini tam sağaltmamasıdır. Bu üzdən Bakıdakı görüşə gətirilməyən İsveçrə millisinin üzvü Sürixdə də baş məşqçi Franko Fodanın sərəncamında olmayacaq. Onunla yanaşı, yarımmüdafiəçi Blerim Dzemailinin də zədə ucbatından bu gün meydana çıxmaması gözlənilir.

Qeyd edək ki, “Sürix” – “Qarabağ” oyunu Bakı vaxtı ilə saat 21:00-da başlayacaq. Bakıdakı ilk qarşılaşmada Azərbaycan çempionu 3:2 hesablı qələbə qazanıb.
 

• “Barselona” büdcəni azaldır
• PFL prezidenti “Araz Naxçıvan” rəsmiləri ilə görüşdü
• Ronaldo Millətlər Liqasının oyunlarına dəvət alıb
• İspaniya Futbol Federasiyasının yeni prezidenti məlum oldu
• “Qəbələ” yeni əməkdaşlıq müqaviləsi İMZALAYIB