Azərbaycanlı futbolçu Vüsal İsgəndərlinin komandası Avropa Konfrans Liqasında mübarizədən kənarda qalıb.

Apasport.az saytı xəbər verir ki, “Eqnatiya” penalti seriyasında uduzub.

Səfərdə “Ararat”la heç-heçə (1:1) oynayan Vüsalın komandası öz meydanında rəqibin müqavimətini qıra bilməyib. Cavab matçının start heyətində meydana çıxan İsgəndərli 62 dəqiqə oynayıb. Gərgin mübarizə şəraitində keçən qarşılaşmanın 120 dəqiqəsi 4:4 hesabı ilə başa çatıb. Penalti zərbələri seriyasında daha dəqiq olan qonaqlar mərhələ adlayıblar.

Qeyd edək ki, Vüsal Ermənistanda keçirilən ilk oyunda meydana sonradan daxil olmuşdu.
 

• Aleksey Kaşuk daha bir klubumuzun transfer siyahısında yer alıb
• “Milan” və “Napoli”dən FORA
• Qabil Mehdiyev: "İdmançımız sistem köçürülüb, ilkin tibbi yardım göstərilib"
• Murad Musayev üçün əlamətdar oyun
• “Qarabağ” Ovusuya görə nə qədər istəyir? – MƏBLƏĞ