"Millimiz İsveçdən bir, hətta üç xal ala bilər. Hesab edirəm ki, bugünkü oyunda rəqibi məğlub yola salacağıq".

Bu sözləri apasport.az saytına açıqlamasında Azərbaycan millisinin sabiq futbolçusu Zaur Ramazanov deyib.

47 yaşlı futbol veteran AVRO-2024-ün seçmə mərhələsinin bu gün keçiriləcək Azərbaycan - İsveç oyunu barəsində fikirlərini bildirib. O, millimizin şansının olduqca böyük olduğunu hesab edir: "Heyət də pis deyil. Futbolçulardan çoxu legioner həyatı da yaşayır. Fikrimcə, bu komanda qələbə qazana bilər. Düşünürəm ki, gələcəkdə belə gənc futbolçular yetişsələr, daha yaxşı olar".

Sabiq futbolçu qardaşı Ağabala Ramazanovun durumuna və meydana nə vaxt qayıdacağına da aydınlıq gətirib: "Ağabalanın durumu hazırda yaxşıdır. Həkimlər bir az müalicəyə ehtiyac olduğunu deyir. Qışdan sonra həkim məsləhəti ilə məşqlərə qoşula bilər. Biz istəyirik ki, tez sağalsın. Əsas onun sağlamlığıdır. Amma meydana nə vaxt dönə biləcəyini dəqiq bilmirəm".

Qeyd edək ki, Azərbaycan millisi bu gün AVRO-2024-ün seçmə mərhələsindəki son ev oyununda İsveçlə qarşılaşacaq. Tofiq Bəhramov adına Respublika stadionundakı matç saat 21:00-da başlayacaq.

• "Qarabağ"ın rəqibi futbolçusu ilə yollarını ayırıb
• Favorit KUPONU
• 3,46 əmsallıq KUPON
• Turin derbisində 6 qol vuruldu
• BƏƏ klubuna keçdi