Bu gün Azərbaycan Basketbol Liqası start götürəcək.

Apasport.az xəbər verir ki, 2023/24 mövsümündə 10 komanda mübarizəyə başlayacaq.

29-cu Azərbaycan çempionatında "Sabah", “NTD-INDIGO” (Xaçmaz)”, "Gəncə", "Xırdalan", "Sərhədçi", "Neftçi", "Cəlilabad", "Şəki", "Xəzri" və "Sumqayıt" qüvvəsini sınayacaq. Dairəvi sistemlə keçiriləcək liqanın oyunları iki dövrədən, yəni 18 turdan ibarət olacaq. 

Müntəzəm mövsümü ilk “altılıq”da tamamlayan klublar pley-off mərhələsinə vəsiqə qazanacaqlar. İlk iki sıranı tutan komandalar birbaşa yarımfinala yüksələcək, digər dörd kollektiv isə 1/4 finalda qüvvəsini sınayacaq. İştirakçılar 1/4 və 1/2 finalda iki, finalda 3 qələbəyə qədər mübarizə aparacaq. 

Qeyd edək ki, çempionatın oyunları, "Sərhədçi" İdman Mərkəzi ilə yanaşı, bölgələrdə yerləşən Olimpiya İdman Komplekslərində də baş tutacaq.

• AFFA İcraiyyə Komitəsinin iclası Gəncədə keçiriləcək
• “Jelezniçar”ın forvardı: “Rəqibi ətraflı təhlil etmişik”
• “Böyük beşlik” KUPONU
• “Sabah” "Makkabi"yə böyük hesabla qalib gəldi - YENİLƏNİB
• “Apasport”un KUPONU