Amrabat: "Biz Mbappedən qorxmuruq"

14.12.2022 - 21:13

“O, əla oyunçudur, lakin biz Mbappedən qorxmuruq".

Apasport.az xəbər verir ki, bunu Mərakeş millisinin mərkəz yarımmüdafiəçisi Süfyan Amrabat deyib.

O, fransalı hücumçu Kilian Mbappe haqda fikirlərini bölüşüb. Amrabat bildirib ki, ondan başqa da güclü futbolçulara diqqət yetirmək lazımdır: "Fransada başqa çox yaxşı oyunçular da var. Amma biz heç kimdən qorxmuruq. Biz hər kəsə hörmətlə yanaşırıq".

Qeyd edək ki, Mərakeş millisi bu gün Qətərdə keçirilən dünya çempionatının yarımfinalında Fransa ilə qarşılaşacaq. Matç Bakı vaxtı ilə saat 23:00-da başlayacaq.