DÇ-2022-nin yarımfinalında Xorvatiya ilə qarşılaşacaq Argentinanın oyuna planı bəlli olub.

Apasport.az saytının məlumatına görə, cənubi amerikalılardan biri çıxış etdiyi Avropa klubundakı komanda yoldaşına danışıb.

Adı açıqlanmayan həmin argentinalı bildirib ki, Xorvatiyanı zərərsizləşdirmək üçün xüsusi tapşırıq alıblar. Rəqibin ən zəif tərəfinin psixoloji hazırlıq olduğunu müəyyənləşdirən yığma məşqçiləri üç futbolçunu meydana xüsusi vəzifə üçün buraxacaq.

Bu oyunçuların hərəsi bir xorvatiyalını zərərsizləşdirməlidir. Plana əsasən həmin futbolçular rəqibin zəif yerindən yararlanaraq xırda follar, hakimin eşitməyəcəyi xoşagəlməz ifadələrlə rəqibi özündən çıxarmaqdır. Məqsəd bu futbolçuların vərəqələr, hətta “qırmızı” alması və rəqibin oyununun sınmasıdır. Artıq “üçlüy”ün hər birinin hansı “qurban”a təhkim olunması da bölüşdürülüb. Bu, rəqiblər əsəblərinin zəif olmasına görə seçilib.

Qeyd edək ki, sabah keçiriləcək Argentina – Xorvatiya görüşü Bakı vaxtı ilə saat 23:00-da başlayacaq.
 

• 100-cü qələbə
• “Çempionluğumuz əlimizdən alındı”
• Dieqo Forlan tennis turnirində iştirak edəcək
• Ekspress KUPON
• Üst KUPONU