Çempionlar Liqasının IV turu proqnozsevərlərdən birinə inanılmaz sevinc bəxş edib.
Apasport.az saytının məlumatına görə, “Stake.com”un müştərisi II dövrənin ilk oyunlarına üç oxşar kupon yazıb.
Better ilk oyun gününün 4 matçına heç-heçə proqnozlaşdırıb. İkinci kuponunda bu qarşılaşmalara daha bir oyun əlavə edib, üçüncü kuponda həmin 5 görüşə 6-cını yazmağı lazım bilib.
O, yalnız turun ilk gününü əhatə edən matçlarda 1125,20 əmsal toplayıb. 636,32 dollarlıq mərc edən betterin uduşu 715 min 986,26 dollara bərabər olub.
“Kopenhagen” – “Mançester Siti”: X
“Borussiya” D – “Sevilya”: X
“Şaxtyor” – “Real”: X
PSJ – “Benfika”: X
Bu kuponun uduşlu olması digər variantlarda ağlasığmaz qazanc ehtimalı yaradıb. İlk oyun günündən sonra bukmeker kontoru ona böyük məbləğdə kuponları satmağı təklif edib.
İkinci kupona 1 milyon 551 min 521,44 dollar təklif olunub. Burada 1503 dollarlıq mərc edən proqnozsevər 1620,28 əmsalla 2 milyon 435 min 282,24 dollara iddia edirdi.
“Kopenhagen” – “Mançester Siti”: X
“Borussiya” D – “Sevilya”: X
“Şaxtyor” – “Real”: X
PSJ – “Benfika”: X
“Atletiko” – “Brügge”: 1
Üçüncü kuponda iki görüşün nəticəsi gözləmədə olduğundan nisbətən az - 926 min 50,71 dollar təklif olunub. 945,06 dollara mərc edən better 2576,25 əmsal yığıb və 2 milyon 434 min 713,41 dollar qazanmaq ehtimalını son matçlara kimi qoruyub.
“Kopenhagen” – “Mançester Siti”: X
“Borussiya” D – “Sevilya”: X
“Şaxtyor” – “Real”: X
PSJ – “Benfika”: X
“Napoli” – “Ayaks”: 1
“Atletiko” – “Brügge”: 1
Dünənki qarşılaşmalardan da birinin nəticəsini tapan xoşbəxti yalnız “Atletiko” yanıldıb. Bu görüş hər iki kuponun “yanması”na səbəb olub.
Lakin betterin bu görüşlərdən öncə kuponları satmaq üçün aldığı iki təklifi dəyərləndirib-dəyərləndirmədiyi hələ də açıqlanmayıb. 2 milyon 477 min 572,15 dollarlıq təklif qəbul olunmayıbsa, proqnozsevər yalnız ilk günün qazancı ilə kifayətlənib. Yəni ümumilikdə 3 min 84,38 dollara mərc edən proqnozsevərin 715 min 986,26 udduğu dəqiqdir.
Qeyd edək ki, “Kopenhagen” – “Mançester Siti”, “Atletiko” – “Brügge” qarşılaşmaları 0:0, “Borussiya” D – “Sevilya”, “Şaxtyor” – “Real”, PSJ – “Benfika” oyunları 1:1 başa çatıb, “Napoli” “Ayaks”ı 4:2 hesabı ilə məğlub edib.
Oxşar xəbərlər
Ana səhifə
Bütün xəbərlər
Hesabım