Məşhur reper Dreyk bukmeker kontorlarında növbəti böyük uduşuna sahib çıxıb.

Apasport.az saytının məlumatına görə, kanadalı müğənni Milli Futbol Liqasının Superboulunda mərc edib.

O, “Filadelfiya İqls” və “Kanzas Siti”nin oyununa 7 müxtəlif variantlı kupon yazıb. Dreyk bu mərclərə ümumilikdə 965 min dollar yatırıb.

Bu təxminlərdən yalnız biri düz çıxıb. “Kanzas Siti”nin 38:35 hesablı qələbəsi 2,11 əmsala bərabər olub. Belə variant 36 yaşlı reperə 1 milyon 477 min dollar gətirib. Dreyk Superbouldan ümumilikdə 512 min qazancla ayrılıb.

Kanadalı sosial şəbəkədə paylaşdığı kuponlarına şərh verib: “Mənim ağlasığmaz mərclərim. Onları analiz edib məntiq axtarmayın. O, yoxdur”.

• "Sabah" Sloveniyada üçüncü yoxlama matçına çıxacaq
• Dünya çempionatında daha 2 çəkidə qaliblər müəyyənləşdi - FOTOLENT
• Bu gün daha 3 cüdoçumuz mübarizəyə qoşulacaq
• UEFA Ukrayna klubunu yarışdan kənarlaşdırdı
• Ennis Bardi: “Azərbaycanla görüş supersınaq olacaq”