Türkiyə Super Liqasının 2-ci turunda son çempion "Qalatasaray" "Konyaspor"un qonağı olub.

Apasport.az xəbər verir ki, "sarı-qırmızılar" Kerem Aktürkoğlu və Barış Alper Yılmazın qolları ilə çətin səfərdə 2:1 hesablı qələbə qazanıb. 

Hesabda öndə olarkən, 76-cı dəqiqədə Mauro İkardi 3-cü qolu rəqib qapısından keçirib.

Lakin argentinalı hücumçunun qolu VAR yoxlanışından sonra ləğv edilib. İstanbul klubu qərardan dərhal sonra sosial media hesabında etirazını yayımlayıb.

Etirazda bildirilib: "İkardinin qolu anlamadığımız səbəblərdən VAR-da ləğv edilib".

Qeyd edək ki, "Qalatasaray" 2-ci matçını da qalib başa vuraraq 6 xalla turnir cədvəlinə başçılıq edir. 

• “Neftçi” – “Qarabağ” matçının biletləri SATIŞDA
• Qurban Qurbanovun şərəfinə təqvim buraxılıb - MARAQLI FAKT
• Karamandan KUPON
• Superliqanın yeni layihəsi
• 3 boksçumuz finalda