Bu gün taekvondo üzrə "Ümid-Alpman Open” turnirinin açılış mərasimi keçirilib.

Apasport.az xəbər verir ki, tədbir Fövqəladə Hallar Nazirliyinin İdman-Sağlamlıq Mərkəzində baş tutub.

Açılış mərasimində Azərbaycan Taekvondo Federasiyasının (ATF) vitse-prezidenti Hikmət Səmədov və ATF rəsmiləri iştirak ediblər. Fəxri qonaqlar sırasında isə MMA döyüşçüləri Tofiq Musayev, Vüqar Kərəmov, idman səfiri Fəridə Əzizova, Azərbaycan Ağırlıqqaldırma Federasiyasının vitse-prezidenti Firdovsi Umudov da yer alıb.

Yarışa 45 klubdan 649 taekvondoçu qatılıb. Turnirdə Qazaxıstan, Özbəkistan və Gürcüstan təmsilçiləri də mübarizə aparır.

Qeyd edək ki, turnir oktyabrın 13-də başa çatacaq.

• “Apasport”dan 7 uduş, “Ödənişli” kuponlardan daha bir het-trik
• Turan Bayramov reytinq turnirində mübarizəyə qoşulacaq
• Ramos daha İspaniya millisində olmayacaq
• “Real”ın Benzema qərarı
• Premyer Liqadan A seriyasına