Almaniya yığması antirekordla yadda qalıb.

Apasport.az saytının məlumatına görə, Bundestim Qətərdə keçirilən dünya çempionatında qrup mərhələsinin ilk iki oyununda qələbə qazana bilməməklə bunu “bacarıb”.

Hansi Flikin yetirmələri Yaponiyaya məğlubiyyətin (1:2) ardından İspaniya ilə də 1:1 hesablı heç-heçə edib. Bununla komanda tarixində ilk dəfə mundialın ilk iki qarşılaşmasında qələbə üzü görməyib. Almaniya millisi eyni zamanda 2022-ci ildə keçirdiyi 8 rəsmi matçın hamısında qapısında qol görüb.

Bundestimin kapitanı Manuel Noyer isə dünya çempionatında keçirdiyi oyun sayını 18-ə çatdırıb. Bununla 36 yaşlı ulduz futbolçu Zepp Mayer və Klaudio Taffarelə məxsus mundiallarda ən çox meydana çıxan qapıçı rekordunu təkrarlayıb. Qrup mərhələsinin son turunda Kosta-Rika ilə qarşılaşmada Noyer mütləq rekordu ələ keçirəcək.

Qeyd edək ki, Kosta-Rika – Almaniya oyunu dekabrın 1-də keçiriləcək.

• "Zirə" Premyer Liqada 100-cü qələbəsini qazanıb
• Konte Səudiyyə Ərəbistanından gələn böyük təklifi geri çevirdi
• Adil Embarş: “Elə bil Azərbaycan yığmasına azarkeşlik edirlər”
• Şvyontek-Muxova finalı
• Luis Suares “Barselona”nın təklifini rədd etdi