“Barselona”ya qarşı transfer qadağası davam edə bilər.

Apasport.az saytı xəbər verir ki, bunu İspaniya La Liqasının rəhbəri Xavyer Tebas deyib. 

60 yaşlı futbol funksioneri Kataloniya klubunun yayda yeni futbolçular ala bilməyəcəyini bildirib.

Tebas "Barselona"nın qışda da transfer istəyinə mane olduqlarını, bu qadağanın yayda da davam etmək ehtimalından danışıb: “Barselona”nın prezidenti Xuan Laporta bizdən inciməsin. Onların yay transfer pəncərəsində yeni futbolçu ilə güclənməsi mümkün olmaya bilər. Komandada çox şeyin dəyişməsi lazımdır”.

Qeyd edək ki, bir müddətdir maliyyə problemləri yaşayan “Barselona” La Liqada 23 oyundan topladığı 59 xalla ilk sırada yer alır. Xavinin komandası ən yaxın rəqibi “Real”ı 7 xal qabaqlayır.

• "Fənərbaxça"nın Avropa Liqasındakı mümkün rəqibləri bəlli olub
• “Neftçi”ni cəzalandıran hücumçu: “Daha çox qol vurmalı idik”
• Portuqaliya KUPONU
• 4 güləşçimiz finalda
• İspaniya Avropa çempionu oldu - YENİLƏNİB