“Beşiktaş”a daha bir namizəd

25.12.2023 - 12:31

Məşqçi axtarışlarını davam etdirən "Beşiktaş"da son namizəd portuqaliyalı mütəxəssis Leonardo Jardim olub.

Apasport.az xəbər verir ki, Qətərin “Ər Rayyan” komandasından ayrılmağa hazırlaşan 49 yaşlı məşqçi idarəçilər tərəfindən “ağ-qaralar”a tövsiyə olunub.

Təcrübəli məşqçinin illik 3,5 milyon avro maaş istədiyi öyrənilib. Onun üçün ilk mərhələdə açıqlanan illik maaşın məqbul olmadığı, danışıqlar nəticəsində orta yolun tapıldığı bildirilib.

Qeyd edək ki, “Beşiktaş”ın baş məşqçisi postuna namizədlərin ilkin siyahısında 8 mütəxəssis yer almışdı.