DÇ-2022: Messi rekordun bir addımlığında

28.11.2022 - 09:52

Dünya çempionatları tarixində cərimə meydanından kənarda ən çox qol vuran futbolçuların adları açıqlanıb.

Apasport.az saytının məlumatına görə, Argentina yığmasının kapitanı Lionel Messi Qətərdə keçirilən DÇ-2022-də Meksika ilə görüşdə (2:0) fərqlənərək, rekorda bir addım da yaxınlaşıb.

Mundiallarda ümumilikdə 8 dəfə fərqlənən 35 yaşlı forvard bunun 4-nü uzaq məsafədən vurub. Messi hazırda əfsanəvi almaniyalı Lotar Matteus və uruqvaylı Dieqo Forlanla ikinci yeri bölüşür.

Rekordun sahibi Roberto Rivellinodur. O, Braziliya yığmasının heyətində ümumilikdə 6 qol vurub ki, bunun 5-nə cərimə meydançasının kənarından imza atıb.

Futbolçu	Millisi	Uzaqdan qollar	Fərqləndiyi illər	Ümumi qollar
Roberto Rivellino	Braziliya	5	1970 (2), 1974 (3)	6
Lotar Matteus	Almaniya	4	1986 (1), 1990 (3)	6
Dieqo Forlan	Uruqvay	4	2002 (1), 2010 (3)	6
Lionel Messi	Argentina	4	2014 (3), 2022 (1)	8