Portuqaliya millisinin baş məşqçisi postuna əsas namizəd bəlli olub.
Apasport.az saytının məlumatına görə, DÇ-2022-dəki uğursuzluqdan sonra postundan göndəriləcəyi gözlənilən Fernandu Santuşu Joze Mourinyo əvəzləyə bilər.
Təcrübəli mütəxəssislə ilkin danışıqlar da aparılıb. Bu təyinata Mourinyonun “Roma” ilə müqaviləsinin olması maneçilik yarada bilər. Portuqaliyalı 2024-cü ilin yayına qədər klubu çalışdırmalıdır.
Mourinyo mövsümün gedişində klubdan ayrılmayacaq. Razılıq əldə olunsa, o, yayda yığmanın sükanı arxasına keçəcək. Mütəxəssisə DÇ-2026-nın sonuna qədər nəzərdə tutulan müqavilə təklif edilib. Hazırda U-21-ə rəhbərlik edən Rui Jorje isə müvəqqəti baş məşqçi təyin oluna bilər.
Qeyd edək ki, Portuqaliya DÇ-2022-də mübarizəni 1/4 finalda dayandırıb.
Oxşar xəbərlər
Ana səhifə
Bütün xəbərlər
Hesabım