“Mançester Siti”nin kapitanı İlkay Gündoğan karyerasını Türkiyədə davam etdirə bilər.

Apasport.az saytının məlumatına görə, “Qalatasaray” mövsümün sonunda 32 yaşlı yarımmüdafiəçi ilə güclənmək niyyətindədir.

“Şəhərlilər”lə müqaviləsi 2024-cü ilin yayına qədər olsa da, Almaniya millisinin üzvü İngiltərəni tərk etmək variantını istisna etməyib. “Cim-bom” rəhbərliyi bu klubun azarkeşi olan Gündoğanı keçidə razı salacağına inanır. Ancaq bu, heç də asan olmayacaq. Çünki “Barselona” və “Yuventus” kimi klublar da onun xidmətində maraqlıdır.

Qeyd edək ki, 2016-cı ildən “Mançester Siti”də çıxış edən İlkay Gündoğan bu müddət ərzində “şəhərlilər”in heyətində 267 oyunda rəqib qapılarından 51 top keçirib.

• Orşiç Xorvatiya liderindən İngiltərə autsayderinə keçdi – RƏSMİ
• Argentina klubunda istefa
• İnyesta “Vissel Kobe”dən gedir
• Ev sahibi kuponu
• "Beşiktaş" "Aston Villa"ya rədd cavabı verib