“Fənərbaxça”nın keçmiş baş məşqçisi Jorje Jesus keçmiş klubundan şikayətçidir.

Apasport.az xəbər verir ki, 69 yaşlı mütəxəssis Türkiyə kubokunu qazandığı üçün almalı olduğu məbləğin ödənilmədiyini bildirib.

Ötən mövsümün sonunda İstanbul klubunu tərk edən məşqçi vəkillərinə bu barədə təlimat verib. Hazırda Səudiyyə Ərəbistanının “Əl Hilal” klubunda işləyən portuqaliyalı “sarı-lacivədlilər”dən FİFA-ya şikayət etməyə hazırlaşır. Bu məqsədlə İstanbul klubuna xəbərdarlıq da edən Jesusa klub tərəfindən cavab verilmədiyi iddia olunur.

Qeyd edək ki, “Fənərbaxça” ötən mövsüm Türkiyə kubokunun finalında “Başakşehir”i 2:0 hesabı ilə məğlub edərək, kuboku başı üzərinə qaldırıb.

• Mehriban Əliyeva Paralimpiya Oyunlarında bürünc medal qazanan Vəli İsrafilovu təbrik edib
• “Səbail”in müdafiəçisi komandanı tərk etdi
• “Apasport”dan 5 uduş, “Ödənişli” kuponlarla qazanmağa davam
• Avro-2026: Millimizin oyunlarının təqvimi bəlli olub
• Aleksandr Jidkov: "Krasnodar"ın Kadiyə ehtiyacı var”