Kamerun millisi baş məşqçisi ilə yollarını ayırdı

29.02.2024 - 13:13

Kamerun millisi baş məşqçisi Riqobert Sonqla yollarını ayırıb.

Apasport.az xəbər verir ki, bu barədə Kamerun Futbol Federasiyası məlumat yayıb.

47 yaşlı çalışdırıcının fevralın 28-də başa çatan müqaviləsinin yenilənməyəcəyi bildirilib.

Federasiya prezidenti Samuel Eto Fransa televiziyasına açıqlamasında kamerunlu mütəxəssis barəsində bunları deyib: "O, bu komandaya çox töhfə verdi. Ancaq hədəflərimizə çata bilmədik. Ona gələcək karyerasında uğurlar arzulayırıq".

2022-ci ilin martından Kamerun millisini çalışdıran Sonq 23 matçda 6 qələbə, 8 heç-heçə və 9 məğlubiyyətlə yadda qalıb.